【遲來的新年快樂！】
牛年第一Post，都喺度祝大家新年快樂！各位旅遊愛好者，祝大家好快可以再飛，繼續遨遊世界各地！好運如我，舊年年頭都曾經去過一次外遊，但相信好多人已經超過一年冇去旅行。
當然，唔止係旅行，如果大家想逃離呢個人間煉獄嘅，都祝願各位移民計劃早日成功，走到快啲走！
新一年隨咗希望可以喺旅遊地圖上篤多幾個點，都有審視過自己嘅旅遊人生。喺上星期嘅訪問後，有讀者朋友問我，點解會有咁多假、咁多錢，去到咁多旅行？你份工好多假？
錢的話，其實呢個問題已答過好多次，去旅行唔一定要多錢先至去得到，我訓街截順風車時，大家住酒店搭飛機已唔同玩法，反而假嘅問題，有時都唔知好彩定唔好彩。我去到咁多旅行，唔關錢事，都唔關假事，而係如我經常分享一樣，遇到好多不堪嘅公司。
或者呢間公司執笠、或者果間公司破產、或者老細貪污俾ICAC「請飲咖啡」，通通即日解僱，當然都有自己頂唔順辭職。你可能十年都做緊同一份工靠AL先去到旅行，我十年嚟已經遇過唔知幾多間公司執笠，有個空檔不如去轉旅行。以前，我會覺得自己好黑仔，點解冇乜遇過正常公司、點解次次都遇著奇怪老細、係咪自己問題？經歷咗咁多後，我已經睇化曬，工還是工，有時都唔好太放在心上，都唔好成日覺得係自己問題，好多時根本係公司有問題。
嚟到今日，我甚至樂觀咁諗，如果過去呢幾年我唔係遇到咁多瘋狂經歷，都唔會有今日充滿旅遊故事嘅我，亦唔會去到咁多奇怪地方旅行。有失必有得，我諗好難同你分享到，不斷遇到執笠公司、老細有問題上ICAC或俾人拉係幾無奈嘅事；你都好難幻想到，點解我可以因此去到咁多地方旅行。
新一年，坦白講唔會同你講咩「明天會更好」，你知我知，香港唔止唔會好落去，只會沒有最差，只有更差，反之喺咁差嘅環境入面，點樣調整心態，或者係我哋更要學會嘅事。過去每一次旅行，對我嚟講，都唔係單單一次旅行，每一次都會有得著、每一次都會有成長、每一次都會學到啲嘢、每一次都會啟發到你人生，或者呢啲經歷唔可以喺見工時同人分享，講咗都冇人信（香港嘅大部份公司啦，同外國公司分享人哋會聽嘅），最少自己知道，呢啲日子你唔係白過；過去咁不堪嘅經歷，都成全到今日嘅你。
圖為秘魯Laguna 69附近嘅草原，同樣地，冇南美每一日咁intense嘅行山經驗，喺呢段咁苦悶嘅日子，我諗我都唔敢日日一個人喺香港通山跑。Laguna 69遊記可看留言連結。
✨ 網店正式開張！新張期內貨品低至$10！請即睇：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【MeWe請Follow】mewe.com/p/travelerwithmovie
【IG請follow】www.instagram.com/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
Search